'విల్‌' పవర్‌

ఏడుగురు కొడుకుల తండ్రి అరవై ఏళ్ల రాధాకృష్ణకు బ్రహ్మచెవుడు. ఈమధ్యే చికిత్స చేయించుకున్నాడు. కొన్ని వారాల తర్వాత ఆయనకు వైద్యం చేసిన డాక్టర్‌ తారసపడ్డాడు.
'మీకు ఇప్పుడు బాగా వినపడుతోందా?' పలకరించాడు వైద్యుడు.
'బ్రహ్మాండంగా' బదులిచ్చాడు రాధాకృష్ణ.
'మీ ఇంట్లోవాళ్లు చాలా సంతోషించాలే'
'వాళ్లకు ఈ చికిత్స సంగతి తెలియదు'
'ఏం? ఎందుకని చెప్పలేదు?'
'నా గురించి ఏమనుకుంటున్నారో వినాలని...'
'ఏమంటున్నారు మరి...'
'నువ్వే అర్థంచేసుకో. ఇప్పటికి ఐదుసార్లు నా వీలునామాను మార్చాను'.